Topakord gazte akordeoilarientzat sortutako topagunea da, elkar ezagutzeko eta elkarrekin lan egiteko aukera emateko helburuarekin. Akordeoi orkestra baten eraketa eta formazio honetarako berariaz idatzitako obra baten lanketa eta estreinaldia ardatz hartuta, ikasleek, hainbat egunetan zehar, jarduera hori banakako eskolekin, bizikidetzako jarduerekin eta mota desberdinetako jarduera artistikoekin uztartuko dute, arlo akademikoa ez ezik, giza alderdia ere garatzeko xedez.